मंय छत्तीसगढ़िया तांव...
Last Update: 07 Apr 2017 18:22

       

मंय छत्तीसगढ़िया तांव...
मंय छत्तीसगढ़िया तांव...अऊ चटन-बासी खांव..
बोह के नांगर, फांद के बइला...भुंईया म सोन उपजांव
मंय छत्तीसगढ़िया तांव...

गीत मया के, गोठ धरम के...मंय गावंव बतरांव…
नइ जानंव मंय का हे सुवारत...एक्के मोर बर इंडिया-भारत...

खेत-खार मोर घर-दुवार हे... जिंहा अन-धन सिरजांव...
जनम-करम मोर मरम हे माटी...भुंईया ल माथ नवांव…
मंय छत्तीसगढ़िया तांव...

जात-पात के रद्दा धरइया...नइ हौं मंय कोनो राज करइया…
जेने कहि दिस तेकरे बर मंय...हव..बनिहार तो आंव...

मोर ददरीया मन म माढ़िस... करमा बनिस तिहार…
बन बइहा धर बाना कुदंव मंय...भोजली झुम-झुम गांव...
मंय छत्तीसगढ़िया तांव...

नइ बइठंव मंय बांही सकेले...भीड़ंव परबत चड़जांव…
कुंदरु, करेला,तोरइ के नार अस...मंय बगरंव-छछलांव...
मंय छत्तीसगढ़िया तांव...

Last Update: 07 Apr 2017 18:22
TAG:
780 BILLION
DEFENSE
PAKISTAN
BUDGET
INCREASED 11%
  Comment
Name Email
Comment